Kanpoaldeko espazioak
Zerbait handiagoaren parte zarela sentitzeko tokia, naturaren energia atabiko eta boteretsuarekin konektatzera bultzatzen zaituena.
10 hektareako inguru liluragarria zure esku Enkarterri eskualdean. Amalurran, bere lursaileko txokoetan eta espazioetan zehar ibiltzeko aukera duzu, zuhaitz inguru itxietara joanez edo lorategietan osteratxo lasai bat eginez, inguratzen zaituen natura sentituko duzu. Gure aire zabaleko espazioek gozatzeko, partekatzeko, zeure barrua entzuteko, zeure burua aurkitzeko, berriz ezagutzeko eta berriro ere zeure burua maitatzeko momentuak eskaintzen dizkizute.
Kolitza erreka
Bide txiki batek Kolitza errekaren ibilgua jarraitzen du lursailetik igarotzean. Amalurraren inguruetan baso eta zelaiz osaturiko mosaiko anitza aurki dezakegu eta ibilbidearen puntu batean errekan sartzeko aukera ere bada.
Uraren soinuarekin batera zuhaitzen itzalpean erlaxatzeko inguru natural xarmanta.
Harrespila
Harrespila Amalurraren zaharberritze-prozesua hasi genuenean altxatu genuen, lurra mugitzean ateratako harriekin.
Lehen eraikuntza hau natura eta Euskal Herriko zeremonia-kultura ohoratzeko diseinatu genuen. Horregatik da hain leku egokia, bai lasaitasun unetarako zein San Juan bezperakoa bezalako aire zabaleko ospakizunetarako.
Temazcal
Mexiko eta Ameriketako tradizio indigenako sauna naturala. Ongizate fisiko eta saneamendua bultzatzen dituen belar aromatiko eta esentzia naturaldun lurrun bainua.
Temazcal errito eta praktika espirituala ere bada, zeinetan metodo tradizionalak erabiltzen diren gorputza garbitzeko, hausnarketarako, introspekziorako eta norbere burua eta naturarekin lotzeko.
Labirintoa
Chartres-ko katedral gotikoan dagoen labirintoa errepikatzen duen espazio honetan zirkulu eta espiralak nahasten dira, helburu bat duen bide sigi-sagatsu batean.
Labirintoak gure barneko zentrora bidaia eta mundura bueltako bidea irudikatzen ditu.
Tipia
Ipar Ameriketako larreetan bertakoek ohiko etxebizitza nomada bezala erabiltzen duten denda konikoa.
Gaur egun suaren inguruan biltzeko toki moduan erabiltzen da, eta honek bihotzarekin bat datorren hitzaren adierazpena errazten du.
Pergola eta barbakoa ingurua
56 m2-ko aterpeko pergola, lorategietan. Leku ezinhobea da bai aire zabaleko tailer edo formakuntzak emateko, bai lagun eta familiarekin jan eta ospatzeko.
Aterpean jateko nahiko toki eskaintzen du, eguzki eta euritatik babesean. Taldeek espazio hau erabiltzeko aukera dute aire zabaleko jardueretan diharduten bitartean.
Espazio hau alokatzeko kasuan, bezeroentzako barbakoa gunea ere badugu aukeran.
Igerilekua
Udan eta eguraldi ona denean kanpoaldeko igerilekuan bainu bizigarri batez goza daiteke. 12 metroko luzera eta 6 metroko zabalera ditu, eta 80 cm eta 2,05 m arteko sakonera.
Amalurrako jarduerentzat osagarri ezin hobea da berdetasun eta zuhaitzen edertasunaz inguraturik igeri egin eta uretan gorputza esekitzea.
Bizikleta geltokia
Amalurran bizikletak garbitzeko, aztertzeko eta biltegiratzeko espazio egokitua dugu.
Enkarterri eskualdeak bizikleta ibilbide eder ugari eskaintzen ditu.
Haurren jolas parkea
Oporrak gure nortasuna sortzen duten zorionez beteriko uneak dira, zoriona partekatuz. Jolasa eta aisia dira ume izateko erarik onenak, eta aire zabalean bada are hobeto.
Amalurran haurrentzako parkea dugu etxeko txikiek gozatu, jolastu eta partekatu dezaten.