Amalurra Izanetik ekinozioa elkarrekin ospatzeko topagune bat ireki nahi dugu, argia eta iluntasuna orekatu eta naturan ziklo berri bat hasten den urteko une berezi bat.

Ezbehar eta gatazka garai baten erdian, gelditzeko aukera ere eman nahi diogu geure buruari, bakoitza bizitzen ari denarekin egon eta une honek erakusten diguna aitortu. Agian hortik sor daiteke sasoi berria jasotzeko behar den argitasuna eta horrek dakarrena.

Planetako hainbat lekutan, pertsona askok sentitzen dute Lurrarekin, komunitatearekin eta handiagoa den zerbaiten parte izatearen zentzuarekin berriz konektatzeko deia. Mugimendu horrekin bat egiteko modu erraza ere izan nahi du topaketa honek.